Утрински Весник
Македонија

Силјановска: Има ли поголема промена од таа првпат жена да стане претседател

Uploads Thumbs Resize 800x420 637151.jpg

Кандидатката на ВМРО-ДПМНЕ за претседател, Гордана Сиљановска-Давкова вечерва на прес-конференција упати најголема честитка до граѓаните по резултатите од претседателските избори. Таа рече дека македонските граѓани се одважија без оглед на етничка, верска, социјална и друга положба да излезат достоинствено и да го дадат гласот на оној којшто сакаат.

– Се посветив на кампањата и го зборував тоа што го мислам, но наградата е непроценлива. Тоа значи огромна одговорност. Упатувам најголеми честитки до граѓаните, бидејќи покажаа граѓански имунитет, граѓанска отпорност на притисоците. Има ли поголема промена од таа првпат жена да стане претседател, има ли поголема инспирација – нема. Со мене, кога ќе се опкружам со слични на мене, свои, стамени кои умеат да изразат став, тоа е некаков голем исчекор и тоа за мене е голем чекор, рече Силјановска.

Таа додаде дека не е време за поделби, фалби, триумфализам…

-Мора ние да се обидеме да ставиме крај на валканизацијата, да помагаме едни на други. Ќе направам се да ги бранам државните и националните интереси – порача таа.

Сиљановска порача дека ќе се однесува како претседателка на сите граѓани.

– Не се согласувам со тезата дека гласовите сум ги добила заради набој со национализам. Тоа воопшто не е точно. Јас и во тимот имав и Албанци и Роми и Турци и ќе ги вклучам нив и во кабинетот. И ќе видите дека тие не само што имаат етничка припадност за која морам да водам сметка, туку зад себе имаат признанија, докторати. Впрочем, не попусто ја преведов програмата на сите јазици, додаде таа.

Можете да прочитате

Истепани двајца малолетници во Чаир: напаѓачите се обиделе да внесат еден од нив во „бмв“

„Мал Битолски Монмартр“ повторно во  Бигорски 

15-годишно девојче исчезна од установа за згрижување деца