Утринава се измерени -13 степени Целзиусови во Берово, -10 во Маврови Анови, во Крива Паланка и во Битола, -9 во Скопје-Петровец, во Штип и во Демир Капија, -8 во Тетово, Прилеп, Струмица, -7 во Крушево, Виница, -6 во Скопје-Зајчев Рид, Охрид, Претор, -5 во Гевгелија, Куманово и -2 во Дојран.
На Попова Шапка има 50 сантиметри снег, 18 сантиметри се измерени во Маврови Анови, а 3 во Крушево.
Во текот на ноќта времето беше ведро и студено, на места со слаб ветер од северен правец. Утрово е сончево со слаб ветер претежно од северен правец.
Сончево со мала локална облачност. Ќе дува слаб до умерен ветер од северен правец. Максималната температура ќе биде во интервал од 3 до 10 степени.
Во Скопје сончево со мала облачност и со слаб до умерен ветер од северен правец.
Максималната температура ќе достигне до 7 степени.
