
Пет лица на возраст од 21 до 49 години биле лишени од слобода на различни локации во Скопје на 19 и 20 ноември, откако полицијата кај нив пронашла и одзела марихуана и прашкасти материи, соопшти Министерството за внатрешни работи.
Полициски службеници од СВР Скопје ги привеле В.Т. (37) и А.Ќ. (21) од Скопје, Н.Б. (26) од Битола, Ц.Х.Е. (26) од Турција и А.Ш. (49) од САД.
Според полицискиот билтен, одземени биле бела прашкаста материја, друга прашкаста материја и марихуана. Од МВР најавија дека по целосно документирање на случаите ќе бидат поднесени соодветни поднесоци.


