Утрински Весник
Спорт

Галтие за поразот на ПСЖ го обвини Светското првенство во Катар

Галтие за поразот на ПСЖ го обвини Светското првенство во Катар

Работите не се розови во Париз по завршувањето на паузата од Светското првенство во 2022 година. ПСЖ го претрпе вториот пораз во Лига 1 во последните пет натпревари откако актуелниот шампион загуби со 1:0 од Рен. Претходно „светците“ загубија и од Ленс со 1:3 на 1 јануари.

dobivaj vesti na viber

Иако Кристоф Галтие не беше премногу загрижен по поразот, тој сподели дека неговиот тим треба да се подобри во неколку сегменти.

„Треба да си ја вратиме играта. Знаевме дека ќе биде тежок натпревар и тоа се потврди. Ја имавме топката, но не успеавме да ги заплашиме. Рен се одбрани со цврст бедем пред голот. Не сум загрижен, но треба да се разбудиме затоа што Светското првенство заврши. Осум недели сме расеани, па треба да ја вратиме кохезијата и темпото во играта. Тесно е на врвот на табелата, но не сум навикнат да го гледам рангирањето. Се фокусирам на работата“, изјави Галтие.

Водството на ПСЖ на врвот на табелата е намалено на само три бода. „Светците“ имаат 47 поени од 19 мечеви, на второто место е Ленс е со само три бода негатива, а Олимпик Марсеј заостанува пет бода.

Можете да прочитате

Чави и да не се премисли останува во Барселона

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами