Утрински Весник
Свет

Европскиот парламент избра нов потпретседател

Европскиот парламент избра нов потпретседател

Пратениците на Европскиот парламент денеска за потпретседател го избраа Марк Ангел, член на левиот центар, член на Социјалистичката работничка партија од Луксембург.

dobivaj vesti na viber

Тој ќе ја замени Ева Каили од Грција, која беше сменета од функцијата минатиот месец, откако беше приведена под обвинение за корупција, перење пари и членство во криминална организација.

Главниот осомничен во скандалот „пари за влијание“ склучил договор со обвинителството, со што се отворила можност да се открие кој друг учествувал во корупција, наведува АП.

Корупциски скандал поврзан со Катар и Мароко ја потресе групата S&D, втора по големина во Европскиот парламент.

Каили беше одговорна за Блискиот Исток, но претседателката на Европскиот парламент, Роберта Мецола сака да ангажира потпретседател за борба против корупцијата за да го поправи нарушениот имиџ на парламентот.

Се уште не е познато дали Ангел ќе добие вакво портфолио.

Можете да прочитате

Маѓар: Запленети се средствата на поранешниот министер на Орбан од 24 милиони евра

Франција го отфрли новиот предлог за буџет на ЕУ од кој беа одбиени 204 милијарди евра

Два напада врз танкери во близина на Оман