Утрински Весник
Македонија

Ќе добие ли вечерва СДСМ нов лидер? Еве кои се условите

D22172a9 5fd5 4e04 Bc22 Fe72f18523d0.jpeg

СДСМ денеска ги одржува третите непосредни и директни избори за претседател на партијата.

За разлика од првите два циклуса, овој циклус го обележуваат обвинувања за изборни неправилности, а имаше и повлекување на еден од кандидатите.

Поради изборни нерегуларности, но и поради нереагирање од страна на партиските органи, кандидатката Славјанка Петровска на два дена пред гласањето со откажа од изборите.

Во трка за „тронот“ на Бихаќка останаа Јово Деспотовски, Венко Филипче и Александар Бајдевски кои вечерва со внимание ќе ги следат резултатите од општинските изборни комисии.

Гласањето се одвива од 8 часот наутро на 77 гласачки места и ќе трае до 20 часот, а до 14 часот гласале 6.760 членови или 28.61%

Што треба да се случи за да се избере претседател на СДСМ уште во првиот круг?

За разлика од државните избори, на изборите во СДСМ нема потребен праг на излезност односно цензус.

Но, за да победи во првиот круг еден од кандидатите треба да освои 50% плус еден глас од вкупно излезените гласачи.

На изборите во СДСМ пријавени се над 23.000 членови. Ако излезноста е над 50 проценти, и излезат 12.000 гласачи, на победникот ќе му се потребни 6001 глас.

За споредба на претходните избори Заев и Ковачевски беа избрани со далеку поголем бројка на гласови од членството.

Ако денеска никој не успее да собере повеќе од половина од гласовите, тогаш ќе има втор круг кој треба да се одржи следната недела.

Можете да прочитате

Уапсено 40-годишно лице од Скопје – МВР со детали за пронајдените малолетници во безсознание

Покрај екстремно топлото време викендов, во попладневните часови во западните предели очекуваме локален пороен дожд, грмежи и краткотрајно невреме

Повредена жена пронајдена на автопат кај Демир Капија – ја претепал некој или ја прегазил?