Утрински Весник
Магазин

Зошто на грчите острови куќите се обоени во сино и бело?

249163 Grckakuca Ff.jpg

Карактеристичните куќи во сина и бела боја се заштитен знак на грчките дестинации како што се Миконос и Санторини. Боите на куќите од грчките острови настанале од практични причини. Каменот достапен на места како Миконос, Парос и Наксос имал потемна, земјена боја, која го привлекувал сонцето и го правел животот во куќите неподнослив поради високите температури. За да се разладат, Грците го обоиле каменот бело.

Во средината на 20 век, во архитектурата се вмешала и болест. За да се спречи ширењето на колерата, грчките власти наредиле куќите да се премачкаат со вар, кој служи како средство за дезинфекција.

Исто како и белата боја и сината има своја причина. Грчките рибари и морнари ги боеле вратите и прозорците со боја што им останала од бојадисување на бродовите, а сината поради својот состав била најдостапна. Карактеристичната сина боја била изработена од варовник и средството за чистење “loulaki”, еден вид на син прав кој бил достапен за поголемиот дел од населението.

Убавите бои на куќите на грчките острови престанале да бидат само практични и станале задолжителни во 60-тите години на минатиот век.

Актуелниот режим сметал дека препознатливите бои ќе го поттикнат патриотизмот.

Можете да прочитате

Данокот на шеќер за безалкохолни пијалаци ја намали потрошувачката на шеќер во Велика Британија

Нова терапија против зависности и депресија

Повеќе вода – помалку здравствени проблеми со горештините