Утрински Весник
Македонија

Министерот за правда Филков и Дејвид Гир разговараа за реформите во правосудството

Filkov Gir 800x533 1.jpg

Министерот за правда Игор Филков денеска оствари средба со шефот на делегацијата на ЕУ во земјава, Дејвид Гир.

Се разговараше за состојбата со тековните и планираните реформски чекори во судството, , евроинтегративните процеси, Стратегијата за реформи во правосудството 2024-2028,состојбата со Судскиот совет , затворите како и борбата против корупцијата и организираниот криминал.

Во однос на законодавната агенда која треба да се реализира во периодот кој претстои се планира отворање на широка јавна дебата на сите засегнати чинители во која ќе бидат слушнати мислењата на експертската и општата јавност со цел да се дојде до најдобри реформски решенија за реализација на програмските цели на Владата .

Министерот Филков посочи дека во изминатите 10 дена откако ја презеде функцијата е информиран и целосно запознаен со процесот на преговори во делот на Поглавјето 23,, Правосудство и фундаментални права”, Планот за раст и 7-те цели од Реформската агенда, вклучување на невладините организации во дискусиите, како и активностите поврзани со реализација трите тековни проекти, еден од ЕУ и два од УСАИД.

Филков ја истакна определбата дека спроведувањето на реформската агенда е приоритет на државата при што останува клучна поддршката од ЕУ за стабилноста на земјата со надеж за продолжување на билатералната соработка во духот на заедничките вредности.

Делегацијата на ЕУ предводена од евроамбасадорот Гир ја поздрави посветеноста кон реформската агенда и ја истакна максималната поддршка за евроинтеграцискиот процес како и подготвеноста за континуирана соработка и обезбедување на сета потребна помош за спроведување на клучната реформска агенда.

Можете да прочитате

На Клиника за онкологија во Скопје ќе се работи во две смени

Запленети возила, цигари, облека: Царинската управа спречи обиди за криумчарење на разна стока

Расчистени шест тешки кражби во радовишко, сторителот приведен, следува кривична пријава