Кандидатот на коалицијата „ТВОЈА МАКЕДОНИЈА“ предводена од ВМРО-ДПМНЕ, Зоран Бајовски, е новиот градоначалник на општина Чучер Сандево.
Според резултатите од вториот круг на локалните избори, Бајовски освои 2.713 гласа, односно 52,86%, и ја победи досегашната локална власт.
Неговиот противкандидат Сашко Комненовиќ од коалицијата предводена од СДСМ доби 2.250 гласа, што претставува 43,84% од излезените избирачи.
Победата во Чучер Сандево претставува уште еден значаен успех за ВМРО-ДПМНЕ во скопскиот регион, каде што партијата бележи раст на поддршката во повеќе општини.
