Утрински Весник
Балкан

Во Црна Гора уапсена сопругата на убиениот терорист од Белград

Terorist Belgrad.jpg

Началникот на Управата за криминалистичка полиција (УКП) Нинослав Чмолиќ денеска гостуваше на ТВ Информер и зборуваше за вчерашниот напад врз жандармите, како и за активностите на полицијата во расветлувањето на позадината на овој терористички чин.

Чмолиќ презентираше информации до кои дојде српското МУП во соработка со црногорската полиција, која ја уапси сопругата на терористот Милош Жујовиќ, кој вчера беше неутрализиран при напад на полицаец пред израелската амбасада.

– МУП на Црна Гора брзо стигнала до сопругата на терористот, одземени и се сите електронски уреди и таа ќе биде процесуирана. Потребна ни е поддршка од целото општество кога станува збор за тероризмот. Граѓаните треба да имаат доверба во државата и полицијата. Ги преземаме сите активности за да го одржиме редот и мирот и да ги заштитиме нашите граѓани – изјави Цмолиќ за ТВ Информер.

Во текот на вечерта и утрото полицијата уапси неколку соработници на Жујовиќ, меѓу кои и Игор Деспотовиќ (25), кој веќе е осуден за планирање терористички напади во Србија.

– Утврдено е дека Жујовиќ и Деспотовиќ биле на „врска“, односно дека долго време разменувале пораки во кои договарале терористички напад, кој Жујовиќ го извршил вчера – изјави извор на српски Курир запознаен со случајот.

Можете да прочитате

Екс припадник на ОВК уапсен во Македонија – Белград бара екстрадиција, Приштина ослободување

Дачиќ очекува од Македонија да го екстрадира Рамадани

Српската полиција ја опколи Лозница, се трага по напаѓачот на полицајците