Утрински Весник
Свет

Голем пожар во една од најголемите руски рафинерии

8af09b4b d67c 43be 989b c4a0c2496f37.webp.webp

Огромен пожар избувна ноќта во вторник во рафинеријата и петрохемискиот комплекс „Газпром Нефтехим Салават“ во руската република Башкортостан, по наводен напад од украински беспилотни летала, пишува „Киев Индепендент“.

Украинските канали на Телеграм, „Ексиленова+“ и „Супернова+“, објавија дека комплекс во градот Салават бил цел на напад. Снимките што ги споделија покажуваат голем пожар во близина на индустриски објект. „Ексиленова+“ тврди дека пожарите горат на повеќе локации во комплексот.


„Киев Индепендент“ не можеше независно да ја потврди локацијата на пожарот или дали фабриката била директно погодена.

Комплексот се наоѓа околу 1.750 километри источно од Киев и е еден од најголемите рафинерии и петрохемиски фабрики во Русија. Може да преработува до 10 милиони тони нафта и гасен кондензат годишно, а произведува и бензин, дизел и други нафтени и хемиски производи.

Ниту украинската армија, ниту регионалните власти во Башкортостан сè уште официјално не го потврдија најновиот напад.

Можете да прочитате

Ле Пен: Погрешив што се спротивставував на двојното државјанство и истополовите бракови

Отпорноста на лекови би можела да убие 39 милиони луѓе во следните 25 години, предупредува СЗО

„Тесла“ ќе инвестира три милијарди евра во германската фабрика за производство на „кибертакси“