Борците од платеничката група Вагнер, подигнаа руски знамиња во Бахмут, откако вчера тврдеа дека ја преземаат контролата врз градот по неколкумесечни борби.
На видеото кое се појави на социјалните мрежи се гледаат борци на групата Вагнер како го креваат знамето и извикуваат: „Победа!“
Русија и Украина дадоа контрадикторни изјави за ситуацијата во Бахмут, при што Киев рече дека сè уште контролира мал дел од градот, додека Москва им честиташе на Вагнер и руските војници за „ослободувањето на градот“, пишува „Скај њуз“.
The commander of the Wagner Group – Hero of Russia, Alexander “Ratibor” Kuznetsov hoisting the banner of PMC Wagner and the flag of Russia on the last high-rise building in Bakhmut. pic.twitter.com/hxqNSqveVG
— Spriter (@Spriter99880) May 21, 2023
Русија вчера објави дека го освоила целиот украински град Бахмут. Нападот на веќе речиси израмнетиот град го предводеше руската платеничка воена група Вагнер, чиј водач Евгениј Пригожин претходно истиот ден изјави дека неговите сили го зазеле целиот град и секоја куќа.
Рускиот претседател Владимир Путин им честиташе на војниците за заземањето на градот, велејќи дека најзаслужните ќе бидат наградени, пренесоа руските агенции. Зеленски денеска одговарајќи на новинарски прашања по неговото обраќање во Г7 изјави дека Русија не го окупирала Бахмут.
„Не можам да ги споделам со вас тактичките информации на нашата армија, нашите воини, но можам да кажам дека Русија не може да не окупира или да победи во оваа војна“, одговори тој на прашањето за Бахмут.
„Нашите луѓе сега се на многу важна мисија во Бахмут. Нема да кажам каде точно, но Бахмут денеска не беше окупиран од руската армија“, додаде тој.
