Целосно изгоре автобусот кој вчеравечер се запали на патот Охрид-Кичево. Од снимки направени од случајни минувачи, се гледа како целиот автобус е во пламен, сообраќајот во прекин, а зафатени се и гранки покрај патот. Возачот навремено се евакуирал, а патници во него – немало.
Неофицијално, пожарот започнал од крајниот дел на автобусот, но брзo се проширил. Причините дополнително ќе се откриваат.
Последните информации од ЦУК се дека сообраќајот се одвива по една лента.
„Регионалниот ЦУК Охрид известува дека АMCM информирал дека од 21:25 часот на патот Охрид – Кичево, кај Извор, сообраќајот се одвива по една лента, наизменично, а пред тоа беше во прекин заради тоа што пожарникарите од ТППЕ Кичево интервенираа со две екипи за гасење запален автобус. РЦУК Охрид известува дека нема повредени лица односно автобусот бил без патници“, велат од ЦУК..
