Пратениците во Долниот дом на тајландскиот парламент денеска со големо мнозинство го одобрија предлог-законот со кој Тајланд ќе стане првата земја во Југоисточна Азија која ги легализираше истополовите бракови.
Предлог-законот за еднаквост на бракот ги изедначува правата на сопружниците од кој било пол.
400 од 415 присутни членови на Претставничкиот дом гласаа „за“, 10 гласаа против, двајца воздржани и тројца не гласаа.
Законот ги менува и поимите мажи и жени и маж и жена во „поединци“ и „брачни другари“. Тоа би го отворило патот за постигнување финансиски и медицински права за ЛГБТК+ паровите.
Законот сега е упатен до Сенатот, кој ретко ги отфрла веќе усвоените нацрт-закони во Долниот дом, а потоа законот го одобрува кралот.
