Челниците на Реал Мадрид се заинтересирани за напаѓачот на Тотенхем, Хари Кејн, но не сакаат да му платат на лондонскиот клуб отштета од цели 100 милиони фунти (116 милиони евра).
На Реал му треба врвен напаѓач, бидејќи Карим Бензема реши да го напушти „кралскиот клуб“.
Кејн првично сакаше да ја продолжи кариерата во Манчестер јунајтед, но претседателот на Тотенхем, Даниел Леви изјави дека нема да дозволи неговиот најдобра игра да засили ривалски клуб од Премиер лигата.
Челниците на Реал, го сакаат Кејн, но сметаат дека 116 милиони евра е преголема сума за фудбалер кој следниот месец ќе наполни 30 години, а кој има само уште една сезона од актуелниот договор“, пишува „Дејли Мирор“. Во превод ова значи дека Реал не сака да ја повтори грешката која ја направи со Еден Азар.
Британските медиуми посочуваат дека се очекуваат долги и напорни преговори меѓу Реал и Тотенхем, бидејќи претстојниот преоден рок е единствената шанса лондонскиот клуб да добие отштета за Кејн.
Кејн за Тотенхем одигра 435 натпревари и постигна 280 голови, но со лондонскиот клуб не освои ниту еден трофеј.
