Во македонското здравство е запишана нова страница на успех — за првпат во државата е изведена трансплантација на менискус. Операцијата беше изведена кај 30-годишен пациент кој претходно имал тотална менисцектомија на медијалниот менискус.
Предводен од доц. д-р Алан Андоновски, тимот на хирурзи и медицински персонал успешно ја реализираше оваа сложена интервенција. Во оперативниот тим учествуваа и ас. д-р Милена Богојевска Доксевска, д-р Исмаил Велиу, д-р Теодора Божиновска, д-р Мики Ѓорески, како и медицинските сестри Билјана Тројановиќ, Сања Тодоровска, Костадинка Вуковиќ и болничарката Ирена Галевска. Анестезиолошката поддршка ја обезбедија д-р Мики Филев и сестрите Злата Апостолоска и Гордана Захариева.
Оваа успешна трансплантација не само што претставува голем чекор напред во развојот на македонската ортопедска хирургија, туку и отвора нови можности за лекување на пациенти со тешки оштетувања на коленските зглобови.
Истовремено, интервенцијата е доказ за високата стручност, посветеност и тимска работа на македонските медицински професионалци.
