Претседателот на Пари Сен-Жермен, Насер Ал-Хелаифи побара УЕФА да отвори истрага за Барселона и нивното продавање на имотот во текот на летото со што се избегна кризата во каталонскиот клуб, оценувајќи ја ситуацијата како „крајно нефер“.
Барселона направи „финансиско чудо“ во текот на летото, откако донесе голем број на засилувања, вклучувајќи ги Роберт Левандовски, Жил Кунде и Рафиња, откако продадоа дел од ТВ-правата во иднина, како и дел од компанијата која ги има правата на спортски реквизити со нивното лого. Со таканаречените „финансиски брани“, Барселона успеа да ги регистрира сите свои засилувања.
Ал-Хелаифи смета дека постапната не е морална.
„Дали тоа е фер? Не, вооошто не е фер. Дали е легално? Не сум сигурен. Ако им го дозволат тоа на нив, тогаш други клубови ќе го направат истото. УЕФА, секако, има сопствени финансиски регулативи и сигурен сум дека ќе има детална истрага. Новите правила за финансиска одржливост се позитивен развој, но мораме да бидеме внимателни. Опасни нивоа на долг и магични договори не се вистинскиот одржлив пат на кој треба да се движи фудбалот“, вели Ал-Хелаифи во интервју за „Политико“.
Ал-Хелаифи не е првиот кој е зачуден од финанските „вратоломии“ во каталонскиот клуб, но засега, ниту Ла лига, ниту УЕФА не оцениле дека има прекршување на било кое правило.
In a POLITICO exclusive interview, European football’s most powerful executive said FC Barcelona’s financial gymnastics must face a crackdown. https://t.co/GLLzty2qML
— POLITICOEurope (@POLITICOEurope) September 28, 2022
