Утрински Весник
Македонија

Претседателката Сиљановска-Давкова идната недела ќе го додели мандатот за состав на новата влада на Северна Македонија

Siljanovska 681x448 1.jpg

Претседателката Гордана Сиљановска-Давкова идната недела ќе го додели мандатот за состав на новата влада на Северна Македонија. Од Кабинетот на претседателката за МИА ја потврдија информацијата. Рокот за доделување на мандатот за состав на идната влада истекува на 7 јуни. Согласно Уставот, претседателот на државата е должен во рок од десет дена од конституирањето на Собранието да го довери мандатот за состав на Владата на партијата, односно партиите што имаат мнозинство во Собранието, а мандаторот во рок од 20 дена од денот на доверувањето на мандатот, треба до Собранието да го достави составот и програмата на владата. Владата, на предлог на мандаторот и врз основа на програмата, ја избира Собранието со мнозинство гласови од вкупниот број пратеници. Новиот собраниски состав имаше конститутивна седница во вторникот. Истиот ден за претседател на Собранието беше избран Африм Гаши.

Можете да прочитате

Андонова: Жртвата не смее да остане сама по полициската интервенција

Андонова: Алкохолот и дрогата се присутни во многу случаи на семејно насилство

Андонова: Има случаи кога децата сами пријавуваат семејно насилство