Вчера попладне, околу 17.15 часот, во Тетово, полициски службеници на СВР Тетово, во координација и содејство со Одделот за криминалистичка полиција – Сектор за недозволена трговија со оружје, дрога и опасни материи при МВР, го лишиле од слобода 56-годишниот тетовец Љ. Ј., извести МВР.
„При претрес во неговиот дом, извршен со судска наредба, биле пронајдени и одземени ловечка пушка во калибар од 16 милиметри, 22 патрона од ист калибар и оштетена пломба за деактивирање на пушката. Покрај тоа, биле пронајдени и одземени пиштол ‘цз’ во калибар од 9 милиметри, три рамки и 13 куршуми од истиот калибар“, соопшти МВР.
Тој бил задржан во Полициската станица Тетово и по целосно документирање на случајот, против него ќе биде поднесена соодветна пријава.
