Кандидатот на коалицијата „ТВОЈА МАКЕДОНИЈА“ предводена од ВМРО-ДПМНЕ, Влатко Грозданов, е новиот градоначалник на Кочани.
Според официјалните резултати од вториот круг на локалните избори, Грозданов освои 7.368 гласа, односно 52,71% од излезените избирачи.
Неговиот противкандидат, Венко Крстевски, кој настапи како независен кандидат, доби 5.914 гласа или 42,31%.
Со оваа победа, ВМРО-ДПМНЕ ја презема локалната власт во Кочани, а резултатот се смета за уште едно значајно засилување на позициите на партијата на локално ниво.
