Претседателскиот кандидат Стево Пендаровски вечерва на митинг во скопската општина Бутел ја коментираше понудата на Христијан Мицкоски до полиитчките партии ЗНАМ и Левица.
„Она што е симптоматично е што Мицкоски уште прв ден од кампања за парламентарни бара помош и дополнителни колициски партнери. Ние тоа не го правиме, нашата коалиција од најмалку 15 политички партии е направена многу одамна и се базира на вредности и принципи, ние не бараме сред кампања помош од пријател. Ми се чини дека тоа е знак на слабост на господинот Мицкоски бидејќи знае што го очекува на 24 април и на 8 мај“ порача Пендаровски.
