Утрински Весник
Македонија

Османи: Проширувањето на ЕУ со земјите од Западен Балкан значајно за обезбедување стабилен регион

Османи: Проширувањето на ЕУ со земјите од Западен Балкан значајно за обезбедување стабилен регион

Во организација на Викторија Нуланд, потсекретар за политички прашања во Стејт департментот, на маргините на 77. Генерално собрание на ОН во Њујорк, се одржа традиционалната годишна трансатлантска вечера.

dobivaj vesti na viber

Во фокусот на разговорите беа актуелните предизвици со кои се соочува трансатлантската заедница, со посебен акцент на последиците од руската воена агресија врз Украина, справувањето со енергетската криза, зголемување на отпорноста на демократиите, како и приоритетите за дејствување во трансатлантските односи.

Во своето обраќање Османи го поздрави единството на НАТО-сојузниците во однос на бескомпромисната поддршка за суверенитетот и територијалниот интегритет на Украина, воедно нагласувајќи ги досега преземените низа чекори и мерки во одговор на руската агресија од страна на Северна Македонија како кредибилна членка на алијансата, информираат од неговиот кабинет.

Дополнително, Османи ја нагласил потребата од забрзување на евро-атлантските интеграции на земјите од регионот на Западен Балкан како значаен влог во регионалната, но и европската стабилност.

„Проширувањето на ЕУ со земјите од Западен Балкан е особено значајно во насока на обезбедување стабилен и отпорен регион во актуелниот несигурен геополитички контекст. Воедно, со цел зачувување на регионалната, европската, но и трансатлантската безбедност, се налага и потребата од засилен ангажман и присуство на НАТО и САД на нашите простори“, заклучил Османи.

Можете да прочитате

Маричиќ-Ќучук: Низ соработка градиме пријателства и создаваме нови можности за младите од двете земји

Маричиќ: Реформите се многу повеќе од нови ЕУ-закони, тоа се промени во функционирањето на институциите

(Видео) Спасовски: 45 години високо образование за безбедност, со научни резултати до заеднички одговор на безбедносните предизвици