Утрински Весник
Спорт

Ѓоковиќ за повредата: Воопшто не е добро

Ѓоковиќ за повредата: Воопшто не е добро

Српскиот тенисер Новак Ѓоковиќ ја прокоментира состојбата со повредата на мускулот која го мачи уште од турнирот во Аделаида.

dobivaj vesti na viber

На денешниот меч против Енцо Куако во второто коло на Австралија опен, кој го доби со 3:1 во сетови, Новак сериозно го мачеше повредата на мускулот и беше очигледно дека не се движи најдобро, особено во вториот сет.

Сепак, тој успеа да ја надмине болката и да победи, а по мечот откри во каква состојба е повредата моментно.

„Да бидам искрен, тоа воопшто не е добро. Но, одам ден по ден, се чувствував подобро на последниот меч отколку денес, и тоа е сѐ што можам да кажам. Сега е до Бога, физиотерапевтите и сите останати да ми помогнат. Се надевам дека ќе успеам да се опоравам за следниот меч“, изјави Ѓоковиќ за „Евроспорт“.

Негов противник во третото коло е Бугаринот Григор Димитров.

Можете да прочитате

Златната топка на Марадона од 1986 ќе се продава на аукција во Франција

Златната топка на Марадона оди на аукција, се очекуваат милиони

Одбиена жалбата на Нотингем Форест