Не е проблемот само со лекови со ретки болести, нема лекови и за некои многу чести болести. Веројатно станува збор за административно одолговлекување, на пациентите ништо не им значи кога ќе им кажете во тек е тендерска постапка. Дополнително потребно е да има брза постапка за лекови за одредени дијагнози, а тоа не е реализирано изминатите седум години не знам зошто би се реализирало за следните осум месеци, рече доктор Игор Николов, претседател на Комисијата за здравство на ВМРО-ДПМНЕ.
Николов се осврна и на случајот со родилката во Струга на која непотребно и беа извадени органи, со жената во Прилеп која почина од рутински зафат киретажа и слични случаи.
Според него, проблем во здравството е што медицинскиот кадар е незадоволен и медицинските работници се повеќе заминуваат надвор.
