Магла го зафати патниот правец Маворово – Бунец при што е намалена видливоста до 20 метри. Од ЈП ,,Македонијапат” велат дека сообраќајот на државните патишта се одвива непречено, по суви коловози и сите патни правци во државата се проодни. На одредени патни правци кои поминуваат низ усеци и клисури можна е појава на поситни одрони.
ЈП „Македонијапат“ апелира на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.
Посочуваат дека дежурните екипи на ЈП „Македонијапат“ се постојано на терен и ги одржуваат сите патни правци проодни.
Подетални информации, учесниците во сообраќајот можат да добијат на дежурниот телефон 02 25 61 502.
