Утрински Весник
Свет

Најмалку 12 Индијци загинаа во руските вооружени сили

3 18.jpg

Најмалку 12 Индијци загинаа додека служеа во руските вооружени сили, соопшти индиското Министерство за надворешни работи.

Како што е наведено, уште 18 Индијци во моментов служат во руската армија, од кои 16 се водат како „исчезнати“, пренесе Ројтерс.


Индија минатата година откри голема мрежа за трговија со луѓе која ги намами младите мажи со ветувања за работа во Русија, а потоа ги принуди да учествуваат во војната во Украина, наведува агенцијата.

Трговинската размена меѓу Индија и Русија се зголеми по руската инвазија на Украина во 2022 година, што помогна да се ублажи влијанието на западните санкции врз Москва. Индија сега е втор најголем увозник на руска сурова нафта, по Кина. Според статистичките податоци на Министерството за трговија, Индија купила руска нафта во вредност од 46 милијарди долари во последната фискална година.

Можете да прочитате

Еден загинат и тројца ранети во руски напад врз Киев

Данците започнаа петиција за купување на Калифорнија од САД: собраа околу 200.000 потписи

Поништени спортските признанија на трансродовите спортисти на колеџите во САД