Утрински Весник
Култура

Меѓународна изложба „Без дистанца” во Куманово

Меѓународна изложба „Без дистанца” во Куманово

Меѓународна изложба на уметнички дела со наслов „Без дистанца” на македонски и бугарски академски ликовни уметници, ќе биде отворена на 18 ноември во 19.00 часот во Изложбениот салон на Национална установа Центар за култура „Трајко Прокопиев” – Куманово.

dobivaj vesti na viber

На изложбата ќе бидат изложени 40 дела а учество земаа 10 македонски и 10 бугарски академски ликовни уметници. Оваа изложба е заеднички проект во соработка помеѓу Национална установа Центар за култура ,„Трајко Прокопиев” – Куманово и Уметничка Галерија – Русе од Република Бугарија. Изложбата веќе беше презентирана пред јавноста во Уметничка Галерија – Русе, во истоимениот град на 18 октомври. Истата ќе биде отворена и во Куманово во Национална установа Центар за култура ,“Трајко Прокопиев” – Куманово на 18 ноември 2022 година во 19.00 часот

Учесници на оваа изложба се академските ликовни уметници: Жаклина Глигориевска – Кочоска, Зоран Арсовски – Бабата, Иво Пецов, Марија Величковска, Марија Трпеска, Марјан Sингаров, Петра Јовановска, Симона Јакимовска, Трајче Блажевски, Фехим Хусковиќ, Валентин Георгиев, Виргинија Пенчева, Вјара Гунева, Георги Пасев, Гошо Георгиев, Златка Стојкова, Ива Станева, Ирена Парашкевова, Красимира Кирилова, Тања Пасева.
По повод отворањето на оваа изложба, директорот на НУЦК „Трајко Прокопиев” – Куманово, Сашо Тодоровски ќе изјави:

„Изложбата „Без дистанца” која ја реализиравме помеѓу Центар за култура Куманово и Уметничката галерија во Русе сигурен сум дека ќе воспостави трајни врски помеѓу уметниците и можност за идна соработка од областа на уметноста.

Заедничката изложба дава можност за поактивна соработка, создава простор да се направи и нов заеднички проект во кој ќе учестуваат уметници, сликари, поети, актери.

Како Центар за култура од Куманово горди сме што сме дел од овој прокет на уметноста кој ќе остави видливи траги и убави спомени за сите кои земаа учество со своите дела во истиот“.

Изложбата во Куманово ќе биде поставена до 07.12.2022 г.

 

Можете да прочитате

Изложба на улица Македонија на Живко Поповски Цветин

Ретроспектива на филмовите на Киржи Менцл: смешната страна на тоталитаризмот, со и без мустаќи

„Раат“- електро-акустична ѓурулитија со Џијан Емин