Адвокатите на Артан Груби се оградија од прославата пред неговиот дом во Чаир по укинувањето на куќниот притвор и им се извинија на граѓаните што можеби биле вознемирени од факелите, огнометот и чадните бомби.
Одбраната тврди дека Груби не бил организатор и дека собирот немал политички карактер. Тој и натаму е обвинет во случајот „Државна лотарија“, а судот не му го врати пасошот и му забрани да го напушта Скопје додека трае постапката.
