Утрински Весник
Спорт

Куп: Струга ТЛ домаќин на Работнички, Шкендија го пречекува Скопје

Куп: Струга ТЛ домаќин на Работнички, Шкендија го пречекува Скопје

Фудбалските возбудувања во Македонија денеска продолжуваат со натпреварите од осминафиналето на Купот на Македонија. Најинтересен е дуелот во Струга каде лидерот на табелата во Првата лига, тимот на Струга Трим Лум, ќе го пречека Работнички.

dobivaj vesti na viber

Актуелниот шампион Шкупи на Чаир ќе игра против амбициозниот второлигаш Воска и очекува сигурен пласман во следната рунда.

Шкендија на домашен терен ќе го пречека Скопје и е голем фаворит, а се чини дека најлесни задачи имаат најтрофејниот македонски клуб Вардар против третолигашот Фортуна, и Академија Пандев против Љуботен.

Тиквеш во Кавадарци ќе биде домаќин на минатогодишниот финалист Силекс, а Брегалница во Штип ќе игра против Пелистер.

Натпреварот меѓу Победа и Македонија ЃП е одложен поради настапот на младинците на Победа во Лигата на шампионите. Овој меч е презакажан за 19. октомври.

Натпреварите почнуваат во 14 часот.

Можете да прочитате

Чави и да не се премисли останува во Барселона

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами