За да им помогнеме на граѓаните и на компаниите, обезбедивме фиксна цена и на струјата за фирмите производители на основните прехранбени продукти, порача вечерва од Кочани претседателот на СДСМ, Димитар Ковачевски.
Претседателот Ковачевски истакна дека мерките што ги презема Владата предводена од СДСМ, кои се насочени постојано да го подобруваат животот на граѓаните и да го зголемуваат нивниот животен стандард, особено во услови на криза, вродуваат со плод.
„Цените на храната почнаа да паѓаат, се намали цената на лебот, очекуваме да се намалат цените на брашното, месото, млекото и на другите основни производи за 10 отсто, и тоа многу бргу“, додаде Ковачевски пред граѓаните.