Објава за наводна смрт на поранешниот гувернер на Калифорнија Арнолд Шварценегер се шири низ интернетот. Сепак, шпекулациите немаат ни ронка вистина.
Тоа е измама.
Пензионираниот професионален бодибилдер, актер и политичар, кој се прослави како андроид убиец во култниот серијал „Терминатор“, е жив и здрав.
Како што би рекол терминаторот, „Ќе се вратам!“ – што значи дека се вратил од измислената смрт, пренесуваат медиуми.
Измамата за смртта на Шварценегер почна да се шири откако неколку луѓе споделија пораки со сочувство на „Фејсбук“.
Фановите кои ја видоа објавата беа збунети. Објавите имплицираа дека актерот починал, но немаше написи за неговата смрт на главните медиумски сајтови.
Работите да бидат уште полоши, на „Јутјуб“ се појави видео во кое се тврди дека актерот починал.
Насловот на видеото е „Пред 5 минути / Почивај во мир Арнолд Шварценегер / Збогум Арнолд Шварценегер“.
Кој ги шири овие гласини дека Арнолд нема да се врати затоа што е мртов?
Според новинарите на весникот „Сан“, тоа е група измамници. „Измамата најверојатно била дело на т.н пранкери кои намерно ја започнале бизарната гласина на Фејсбук. На интернет постојано се појавуваат десетици измами за смрт на познати личности, а Шварценегер е далеку од единственото име од висок профил – жртва на лажни извештаи.“