Стеф Кари и Џоел Ембид ја обележаа изминатата ноќ во НБА лигата. Кари постигна 50 поени, а Ембид 36.
Актуелните шампиони, Голден стејт Вориорс не успеаја да ги победат ЛА Клиперс. Во локалното дерби, тимот од ЛА славеше со 134:126. Кари постигна 50 поени, но не доби адекватна помош од соиграчите. На спротивната страна се издвоија Каваи Ленард со 30, Пол Џорџ со 24 и Ивица Зубац со 19 поени и 16 скока.
Во дербито на истокот на гостински терен, Филаделфија ги победи Кливленд Кавалирс со 118:109. Сиксерси ја забележаа шестата победа во низа, а Џоел Ембид седми натпревар по ред постигна преку 30 поени.
Камерунецот мечот го заврши со 36 поени (12/19 од поле), 18 скока и 3 асистенции, Џејмс Харден имаше 28 поени, 6 скока и 12 асистенции.
Резултати:
Кливленд – Филаделфија 109:118
Мајами – Мемфис 138:119
Чикаго – Сакраменто 114:117
Хјустон – ЛА Лејкерс 114:110
Минесота – Бостон 102:104
Сан Антонио – Далас 128:137 пр.
ЛА Клиперс – Голден Стејт 134:126
