Италија ќе стане цел доколку учествува во нападите врз Јемен, изјави во интервју, висок функционер на јеменските Хути поврзани со Иран. Мохамед Али ал-Хути, шеф на Врховниот револуционерен комитет на Хутите, за дневниот весник „Ла Република“ изјави дека Италија мора да биде неутрална во израелско-палестинскиот конфликт и да изврши притисок врз Израел да ги запре нападите врз Газа. Тој додаде дека прекинот на војната во Газа ќе биде единствениот начин да се постигне мир во регионот. Италија во петокот соопшти дека ќе обезбеди адмирал да командува со поморската мисија на Европската унија во Црвеното Море, на која и се придружила за да ги заштити бродовите од нападите на јеменската милиција на Хутите. Мандатот на мисијата, која ќе започне во средината на февруари, ќе биде заштита на комерцијални бродови и пресретнување напади, но нема да учествува во нападите врз Хутите, изјави високиот претставник на ЕУ за надворешна политика, Жозеп Борел.
Хутите се заканија дека ќе ја нападнат Италија
