Утрински Весник
Спорт

Дашмир Елези поради семејна трагедија го стопираше трансферот во Грузија

Дашмир Елези поради семејна трагедија го стопираше трансферот во Грузија

Фудбалскиот клуб Шкендија преку соопштение ја извести јавноста за враќањето на напаѓачот Дашмир Елези во клубот. Младинскиот репрезентативец поради семејна трагедија одлучи да се врати од Грузија, и покрај потпишаниот договор со Торпедо Кутаиси, а Шкендија му излезе во пресрет и повторно ќе биде дел од тимот.

dobivaj vesti na viber

„По барање на самиот фудбалер и неговото семејство, Шкендија реши да не ја спречува желбата и претензиите на играчот за трансфер во странство. Па понудата на Торпедо Кутаиси беше прифатена и на Елези му беше одобрен трансфер во Грузија. За жал, по потпишувањето и преставувањето во новиот клуб, знаејќи ги трагичните настани во семејството на Елези (за еден месец ги загуби својот татко и својот дедо), 18-годишникот се најде во тешка емотивна ситуација, па во меѓувреме Торпедо Кутаиси му дал дозвола да се врати во Тетово за мирно да одлучува за иднината. Одлуката на фудбалерот и семејството беше, познавајќи ги семејните трагични случувања, дека трансферот во странство во овој момент би бил брз чекор и дека во овој период Дашмир треба да остане блиску до своите најблиски, до семејството. Шкендија повторно покажа разбирање и ја отвора вратата за Дашмир Елези, кој се приклучува на тимот и ќе биде дел од нас и во наредниот период“ , се вели во соопштението од ФК Шкендија.

Можете да прочитате

Бензема и Вини за голема победа во продолженија во жестокото мадридско дерби

Билбао ја освои „Месталја“ за полуфинале во Кралскиот куп

Реал го доби евролигашкото „Ел класико“ по драматични продолженија