Утрински Весник
Македонија

Бегалец од „Идризово“ убил скопјанец со нож, полицијата го фати

Малолетници се тепаа кај железничка во Скопје, еден од нив имал и нож

Полицијата го расчисти случајот со убиството со нож врз 64-годишен скопјанец што се случи на два дена пред Новата година на улицата 1737 во Скопје.

dobivaj vesti na viber

За убиството приведен е 39-годишен тетовец со иницијали Ф.У. Станува збор за осуденик од Идризово кој во тој период бил во бегство, велат од МВР.

Полицијата ги објави деталите за случајот.

„Денеска (25.01.2023) од страна на полициски службеници од Единицата за насилен криминал- Одделение за крвни и сексуални деликти при СВР Скопје до Основното јавно обвинителство Скопје поднесена е кривична пријава против Ф.У. (39) од Тетово поради основано сомнение за извршено кривично дело „Убиство“ предвидено и казниво по чл. 123 од КЗ на РСМ, извршено на 29.12.2022 на ул. „1737“ во Скопје, кога Ф.У. со употреба на остар предмет – нож го усмртил А.Д. (64) од Скопје.

Имено, по добиена пријава дека во напуштена куќа на улица „1737“ во Скопје било пронајдено починато лице со видливи повреди, преземени се мерки и активности од страна на полициски службеници од Единицата за насилен криминал – Одделение за крвни и сексуални деликти при СВР Скопје, обезбедени се материјални докази и утврден е идентитетот на сторителот на кривичното дело Ф.У. (лице кое е осуденик кој требало да биде на издржување на казна затвор во КПУ Идризово Скопје, но во тој период бил во бегство). Ф.У. е приведен од полициски службеници од СВР Скопје и спроведен во КПУ Идризово, а во службен разговор го признал делото“, се наведува во извештајот на МВР.

Можете да прочитате

„Виз ер“, „Луфтханза“ и „Ејџиан ерлејнс“ доставија понуди на тендерот за субвенции за нови летови

Бугарското МНР со нота ќе бара да им се обезбеди пристап на Бугарите на 4 февруари

Таравари повикува на смирување на тензиите меѓу Северна Македонија и Бугарија