Германскиот канцелар Фридрих Мерц оствари ненајавена посета на Украина за да вети дополнителна помош во нејзината одбрана од руски напади.
„Ако Русија не биде запрена, нејзината воена машинерија порано или подоцна ќе се сврти против нас“, рече Мерц по пристигнувањето.
Во посета се и министерката за економија Катерина Рајхе и десет раководители на компании од одбранбениот и енергетскиот сектор.
Според медиумските извештаи, Мерц има намера да ги увери украинските вооружени сили во Киев за непосредната испорака на илјадници дронови-пресретнувачи дизајнирани за борба против руски млазни беспилотни летала.
Покрај тоа, постојат планови за интензивирање на производството на оружје со долг дострел способно да ги погоди линиите за снабдување зад руските линии. За овие цели се планирани вкупно 1 милијарда евра од веќе одобрениот буџет, со дополнителни 350 милиони евра за поправка и реконструкција на оштетените електрани.
Захарова: Посетата на Мерц на Киев е враќање на убиец на местото на злосторството
Портпаролката на руското Министерство за надворешни работи, Марија Захарова, ја коментираше посетата на германскиот канцелар Фридрих Мерц на Киев, велејќи дека „убијците се враќаат на местото на злосторството“.
„Убијците се враќаат на местото на злосторството. Ова е ПР базиран на крвопролевање“, изјави Захарова за „Комсомолскаја правда“ , според новинската агенција Тас.
