Пожарот на планината Галичица е еден од активните пожари во земјата, кој продолжува да гори и покрај целодневните обиди да се стави под контрола. Според Центарот за управување со кризи (ЦУК), гаснењето на пожарот се изведува со два воздухоплова на две локации: кон селата Стење и Лескоец на Преспанската страна и на Охридската територија, кон месноста Војтино и планинарската куќа на север.
„Сите воздухоплови имаат свои технички карактеристики, а летањето се одвива согласно посебно воспоставени воздухопловни процедури за гаснење на пожари на отворен простор, како и шумски пожари,“ изјавија од ЦУК.
ЦУК информира дека до 19 часот биле регистрирани вкупно 37 пожари на отворен простор, од кои 14 се сè уште активни, 5 се под контрола, а 18 се изгаснати.
