Пратеникот и потпретседател на ВМРО-ДПМНЕ Александар Николоски, кој воедно е и македонски претставник во Парламентарното Собрание на Советот на Европа денеска не отпатувал за Стразбур каде на дневен ред на седницата е барањето за прием на Косово во Советот на Европа, пишува весникот Коха
Како што објавува Коха, во Стразбур не е присутен ниту заменикот на Николовски, Владо Мисајловски, додека на седницата ќе присуствуваат пратениците Дарко Каевски од СДСМ и Арта Биљали Зендели од ДУИ.
Прашани за причините за отсуството на Николовски и Мисајловски од седницата на која се решава барањето за прием на Косово, за весникот од кабинетот на Мицкоски одговориле дека тие не заминале заради обврски во изборната кампања, а не затоа што нешто имале против Косово.
Ако вечерва на седницата во Стразбур две третини од националните парламентарци што ги претставуваат 46-те земји членки на организацијата дадат зелено светло, прашањето за пеиме на Косово за точно еден месец од денес, ќе оди пред министрите за надворешни работи на Советот на Европа, кои ќе треба да донесат конечна одлука.
