Вчера околу 17:40 часот во СВР Скопје било пријавено дека на ул. 3 во с. Студеничани, Скопско, се случила сообраќајна несреќа помеѓу товарно возило „фолксваген“, управувано од Г.Ѓ.(68) од Скопје, патничко возило „фиат“, управувано од Ш.И.(41) од Скопје и патничко возило „мерцедес“, кое го напуштило местото, сите со скопски регистарски ознаки.
По несреќата, возачот Ш.И. бил пренесен во комплексот клиники „Мајка Тереза“ каде што му биле констатирани тешки телесни повреди.
Увид на местото на настанот извршила екипа од СВР Скопје.
