Гостивар, 21 април 2020 (МИА) – По осумдесет и петчасовниот полициски час, поголем дел на гостиварци го искористија денот да излезат од домовите. Дождливото време го зголеми и бројот на автомобили по улиците што придонесе за метеж по главните сообраќајници низ градот.
Најмногу редици имаше пред филијалите на банките и забележително беше дека граѓаните не ја почитуваат оддалеченоста што се препорачува.
За ова беше дискутирано и на десетиот состанок на Меѓуопштинскиот штаб и уште еднаш беше упатен апел за воведување на ред и држење растојание.
Локалната самоуправа планира од идниот вторник да го отвори големиот градски пазар доколку бројките на заболените бидат согласно очекувањата. згм/бак/
