Утрински Весник
Спорт

Шок и тага во Шпанија: Фудбалер на Тенерифе почина по драмата на теренот

Screenshot 2026 11 03 143721.jpg

Шпанскиот фудбал е потресен од трагична вест за смртта на 30-годишниот Хесус де Мигуел, за кого се наведува дека починал по срцев удар доживеан за време на натпреварот меѓу Тенерифе и Андора.

Според информациите фудбалерот доживеал сериозни здравствени проблеми за време на вчерашниот натпревар, по што му била укажана итна медицинска помош.


Неговата здравствена состојба, според објавените информации, дополнително се влошила во текот на ноќта. И покрај напорите на лекарските екипи да му го спасат животот, 30-годишниот напаѓач починал.

Во првичните информации се наведува дека на инцидентот му претходел старт на голманот на Андора врз фудбалерот на Тенерифе. Сепак, причинско-последична поврзаност меѓу дуелот и срцевиот удар не е медицински потврдена.

Според истите информации, веста за смртта ја потврдил и клубот Тенерифе, кој изразил сочувство до семејството, пријателите и блиските на фудбалерот.

Веста предизвика тага во спортската јавност, а загубата претставува тежок удар за неговите најблиски, соиграчите и клубот.

Можете да прочитате

Почина Владимир Секуловски, поранешен македонски репрезентативец

Светски шампион и европски медалисти на 55. „Златен гонг” во Скопје

Тренер по кревање тегови во Грција набавувал и снабдувал спортисти со допинг супстанции