Студиото „Ворнер Брос“ на телекомуникацискиот гигант „Еј-ти енд Ти“ премиерно ќе ги прикаже сите свои филмови од 2021 година во киносалите и на стриминг-платформата „ХБО макс“ истиот ден, соопшти компанијата во четвртокот, промена без преседан што ги покоси акциите на кино-операторите.
Филмовите, меѓу кои и „Годзила против Конг“ и „Одред самоубијци“ ќе бидат достапни на „ХБО макс“ за еден месец, истиот ден кога ќе се појават во киносалите, се вели во соопштението на студиото.
Акциите на „АМЦ Ентертејмент“, најголемиот кино-оператор во светот, паднаа речиси 16 проценти, а на ривалот „Синемарк“ паднаа за околу 22 проценти.
Промената, предводена од извршниот директор на WarnerMedia, Џејсон Килар, е досега најагресивен потег на предвремено донесвање на филмови во домовите, што предизвика шок во Холивуд.
