Најмалку едно лице загина денес кога туристички брод со околу 30 патници се преврте во близина на турскиот медитерански град Аланија.
Новинската агенција Анадолија објави дека бродот се превртел во близина на пештерата, која е туристичка дестинација, на околу 100 метри од брегот.
https://www.youtube.com/watch?v=iKWELlbt5P0
Спасувачките екипи од турската крајбрежна стража пристигнаа на местото на несреќата и во тек е операција за спасување, јави Анадолија.
Според последните информации, телото на удавено лице било извлечено од водата и станува збор за руски државјанин.
Засега не е позната причината за превртувањето на бродот.
