Утрински Весник
Балкан

Во Косово од денеска трансакции само во евра

Evra 1.jpg

Истече преодниот период што го постави централната банка во Приштина за почеток на примената на уредбата за забрана на употреба на динари на Косово.

Во Приштина најавија дека од денеска ќе се преземаат мерки против сите оние кои користат други валути освен евра за готовински трансакции во Косово.

Во преодниот период не беа изречени казнени мерки, туку граѓаните беа информирани за примената на регулативата за готовинско плаќање.

Комерцијалните банки кои работат во Република Косово добија инструкции да отворат нови филијали на северот.

Како што соопшти ЦБК, по 12 мај, сите готовински трансакции каде било во покраината мора да се вршат во евра.

– Валутите кои не се евро можат да се користат како вредност за складирање во физичка форма или на банкарски сметки во валути што не се во евро, за вршење на меѓународни плаќања во валути што не се евро и за девизни активности – се наведува во уредбата на ЦБК.

Привремените институции на Приштина, Албин Курти, пред неколку дена на прашањето за завршувањето на преодната фаза, повтори дека за такви прашања одлучува ЦБК, а не извршната власт.

Од 1 февруари стапи на сила регулативата на ЦБК за забрана на користење динари во готовинските трансакции на Косово.

Владата во Приштина тогаш ја повика централната банка да дозволи транзитен период за граѓаните кои користат динари за да се прилагодат на новите регулативи.

Следната недела во Брисел ќе се одржи седмата по ред рунда од дијалогот меѓу Белград и Приштина, на која главна тема повторно ќе биде одлуката на Приштина за укинување на плаќањата во динари на Косово.

Можете да прочитате

Мицотакис уште еднаш повтори дека во овие околности меморандумите нема да се ратификуваат во грчкиот Парламент

Земјотрес ја стресе БиХ

САД и ЕУ покренуваат заеднички механизам за зајакнување на интегритетот на информациите во Западен Балкан