Ковачевски е опериран од срам. Секогаш кога се случува трагедија иили се појавува скандал тој излегува во јавноста со изјава од „јас не сум од тука“, „вознемирен и изненаден сум“, како да се работи за аналитичар, а не премиер на државата, реагираат до ВМРО-ДПМНЕ.
– Неговата коалиција е 7 години на власт, а самиот тој две години е премиер. Во овој период се случија трагедии во кои настрадаа 75 граѓани, период во кој физиолошки раствор се давал наместо терапија и нема никаква одговорност. Сето ова е сведоштво на пациенти и граѓани кои поминале низ хорор и ги загубиле своите најблиски. Наместо да релативизира и да расфрла пердуви, треба да прифати одговорност, затоа што тоа кое што се случувало во клиниката за Онкологија во голем дел се случувало во негово време, во време кога негови министри раководеле со секторот , и во време кога биле именувани во институцијата директори кои се резултат на неговиот коалициски пазар, велат оттаму.
Европа и европски вредности се апстрактни именки за Ковачевски. Оваа власт да беше Европа, како што не се, денес ќе беа депонирани оставки, вклучително и неговата, заклучуваат од ВМРО-ДПМНЕ.
