Утрински Весник
Свет

(Видео) Тројца загинати во зграда што се урна во Шпанија. Станови паднаа еден врз друг.

Власти извлекоа тела на три лица од урнат дел од зграда во Шпанија. „Најдовме три тела во урнатините на зградата во Бадалона“, напиша денеска регионалната противпожарна служба на X.

Дел од зградата се урна вчера околу 10 часот и 30 минути, по првичното уривање на поткровјето, што предизвика дополнително уривање на становите. На видеото кое го објавија пожарникарите може да се забележи огромна дупка во внатрешноста на зградата која се протега сè до приземјето на петкатницата.

Ксавиер Гарсија Албиол, градоначалник на Бадалона, крајбрежен град северно од Барселона, рече дека спасувачите пронашле тела на маж и две жени, од кои едната била самохрана мајка.

„Мајката пристигна од Источна Европа со две мали ќерки, кои сега се сами“, рекол градоначалникот. Починаа и жена на 50-годишна возраст и маж на возраст од триесет години, кој неодамна стана татко. Локалните медиуми јавуваат дека се работи за зграда со 20 стана која е изградена во 1959 година и неодамна поминала на безбедносна инспекција.

Можете да прочитате

Медведев: Руските сили би можеле да тргнат да го освојуваат Киев

Кличко бара Германија да и испрати на Украина ракети со долг дострел

„Сака да биде холивудски каубој“: Се огласи Кремљ откако Бајден го нарече Путин „луд кучкин син“