Во чест на 61 млади животи кои трагично згаснаа во пожарот во Кочани, Директорот на КПУ Затвор Скопје, Бобан Утковски заедно со својот тим, како и со особен придонес на штитениците, создадоа достоинствен простор што ќе го чува нивното сеќавање.
Срце со мотив од македонското знаме, симбол на животот и обновата, околу кое се засадени 61 ружa кои создаваат чувство на заштита и една ружа на средина за херојот на транспортот на повредените кој заспа од умор и никогаш не се разбуди – место каде што сеќавањето и тагата ќе се претвораат во надеж и сила, потсетувајќи на достоинството и сплотеноста на заедницата.
Згаснатите животи нема да бидат никогаш заборавени, да изразиме солидарност, сочувство и вечен спомен на животи што се изгубени-Кочани 16.03.2025, објавија од Управата за извршување на санкции.
