Утрински Весник
Свет

Украина прави сопствен дрон камиказа, ќе носи 75 килограми експлозив и ќе лета до 1.000 километри

Украина прави сопствен дрон камиказа, ќе носи 75 килограми експлозив и ќе лета до 1.000 километри

Украинскиот државен концерн „Укроборонпром“ изврши серија успешни тестови на украинско беспилотно летало со домет од илјада километри, изјави денеска портпаролката на компанијата Наталија Сад.

dobivaj vesti na viber

„Денес се завршени голем број фази на успешно тестирање. Во согласност со упатствата на началникот на Генералштабот на вооружените сили на Украина, преминуваме во фазата на тестирање на работата на авионот во случај на електронски напад“, рече Сад.

Таа потсети на недамнешните најави на концернот за развој на украински беспилотно летало кое може да носи до 75 килограми експлозив.

„Откако дронот успешно ќе го тестираме под електронски напад, се надеваме дека ќе можеме да го тестираме и во борба. Ветивме дека ќе го изградиме пред крајот на оваа година и се обидуваме да го исполниме тоа ветување“, рече портпаролката на Укроборонпром.

Можете да прочитате

Сателитски снимки од турските градови пред и по земјотресот

Бајден за Џинпинг: Овој човек има огромни проблеми, економијата не му оди баш најдобро

Две жени пронајдени живи во Турција по 62 часа под урнатините