Кина игра „агресивни игри“ со демократиите и институциите во Канада, изјави канадскиот премиер Џастин Трудо.
Изјавата на Трудо доаѓа откако канадскиот канал Глобал Њуз објави за финансирање на „тајна мрежа“ на кандидати на неодамнешните избори.
Исто така, на крајот на октомври властите во Отава најавија истрага за наводните нелегални кинески полициски канцеларии во областа Торонто, пренесува „Бета-Франс прес“.
„Преземавме значајни чекори за зајакнување на интегритетот на нашите изборни процеси и системи“, изјави Трудо за новинарите.
Тој додаде дека Канада ќе продолжи да „вложува во борбата против мешањето во изборите, против странското мешање во демократиите и институциите“.
