Утрински Весник
Свет

Тројца мигранти поминаа 11 дена на кормило на танкер, пристигнаа на Канарските острови од Нигерија

Тројца мигранти поминаа 11 дена на кормило на танкер, пристигнаа на Канарските острови од Нигерија

Шпанската крајбрежна стража соопшти дека спасила тројца мигранти, кои биле скриени на кормилото на танкер, кој пристигнал на Канарските острови по неколкудневно пловење.

dobivaj vesti na viber

Тројца мажи биле пронајдени на танкер со нафта кој вчера пристигнал во Лас Палмас по 11-дневно патување од Лагос, Нигерија, а завршиле во болница поради дехидрација, пишува „Гардијан“.

На фотографијата објавена од крајбрежната стража се гледаат мажи кои седат на чело на брод што плови под знаме на Малта. Тие биле пренесени во пристаништето, а оттаму биле префрлени во болница поради дехидрација и хипотермија, пишува британскиот весник.

Ова не е првпат мигрантите да се кријат на чело на брод. Во октомври 2020 година, четири лица се засолниле на кормилото на танкер со нафта од Лагос, криејќи се 10 дена пред да бидат откриени од полицијата кога бродот влегол во Лас Палмас.

Бројот на мигранти кои преминуваат од Северна Африка кон Канарските Острови драстично се зголеми од 2019 година.

„Ројтерс“ пренесува шпански податоци кои велат дека миграцијата преку морето е зголемена за 51 отсто во првите пет месеци од оваа година, во споредба со минатата година.

Меѓутоа, оние кои поминуваат по овој пат ги ризикуваат своите животи, а илјадници луѓе годишно умираат.

Можете да прочитате

Сателитски снимки од турските градови пред и по земјотресот

Бајден за Џинпинг: Овој човек има огромни проблеми, економијата не му оди баш најдобро

Две жени пронајдени живи во Турција по 62 часа под урнатините